Borðplötur

Fanntófell framleiðir borðplötur eftir máli

Hægt er að fá borðplötur í ýmsum breiddum og þykktum. Fanntófell sérhæfir sig í framleiðslu á formbeygðum  borðplötum (e. postforming bekkjum) síðan 1987. Kostir þeirra eru að ávalar brúnir á borðplötum draga ekki til sín raka og óhreinindi.

Toppmynd_Bordplotur_Bordplata

Gefðu ímyndunaraflinu lausan tauminn með nútíma steinefni frá RAUVISIO

Akrílsteinn

Fanntofell_akrílsteinn_borðplata_húðkíll

Með RAUVISIO-akrílsteini verður hugmyndin að veruleika.

Við vinnum nákvæmlega eftir óskum hönnuða og/eða kröfum viðskiptavina við smíði á  borðplötum. RAUVISIO endist vel og býr yfir endalausum möguleikum í hönnun á borðplötum.

Vaskar eru fáanlegir í sama efni og af mörgum gerðum. Þeir eru undirlímdir og mynda því eina heild með borðplötunni. Við vinnslu á borðplötum notum við RAUVISIO-steinefni og þannig eru samskeyti nánast ósýnileg á borðplötunum.

no images were found

RAUVISIO-akrílsteinn fyrir borðplötur

RAUVISIO-akrílstein er að sjálfsögðu hægt að sameina með öðru efni eins og tré, náttúrusteini og gleri. Hér finnur þú rétta lausn sem hentar hverju umhverfi.

RAUVISIO-akrílsteinn er gegnheill. Hann er framleiddur úr náttúrusteini og akríltrjákvoðu, auk litarefna.

Akrílsteinn í borðplötur hefur marga kosti, meðal annars

  • Samskeyti eru nánast ósýnileg
  • Efnið dregur ekki í sig lit, raka, óhreinindi eða bakteríur
  • Slétt, glansandi yfirborð
  • Auðvelt að þrífa
  • Upplitast ekki
  • Þolir sýrur og basískar lausnir
  • Rispur og skemmdir má auðveldlega fægja af

RAUVISIO-akrílsteinn er tilvalinn fyrir borðplötur og hentar víða, eins og fyrir

  • Heimili
  • Skrifstofur
  • Almenningssvæði
  • Veisluþjónustu
  • Hótel
  • Rannsóknarstofur
  • Heilbrigðisþjónustu.

Stærð á borðplötum

Við hjá Fanntófelli smíðum borðplötur eftir máli. Samskeyti nánast eru ósýnileg og margir litir í boði.

Lagerlitir í boði

Athugið að litaprufur fyrir borðplötur ná aldrei að sýna nákvæmlega réttan lit og áferð. Þær eru því aðeins til viðmiðunar.

no images were found

  • Bianco (á lager)
  • Antracite  (á lager)
  • Panna (á lager)
  • 60 litir í boði (sérpöntun)

Hægt er að sérpanta fleiri liti fyrir borðplötur, sjá litaprufur og stærðir vaska og gerðir hér í pdf-bæklingi frá framleiðanda.

Dagleg umhirða á borðplötum

Dagleg þrif á borðplötum fara best fram með svampi/klúti og vatni ásamt því að nota uppþvottalög á fitu. Einnig er hægt að nota keramikhreinsiefni. Við þrif á borðplötum mælum við einnig með kraftsvampi frá Blindravinnustofunni.

Erfiða bletti á borðplötum má meðhöndla með því að láta blöndu af hreinsiefni og vatni liggja á blettinum í smá tíma og hreinsa hana síðan af með svampi og hreinu vatni. Erfiða bletti, sem hafa legið lengi á borðplötu, eins og t.d. eftir djús, te, kaffi og rauðvín, má þrífa af með svampi, mjólk eða tannkremi.

Kísill er þrifinn af borðplötum með ediki eða sítrónusýru og síðan hreinsaður af með svampi og hreinu vatni

Auðvelt er að lagfæra skemmdir sem kunna að koma í borðplötur. Hægt er að lagfæra fínar rispur á borðplötum með grófari hliðinni á eldhússvampi eða með mjög fínum sandpappír og fínpússa niður með svampi (til að fá gljáa), ef með þarf.

Tryggja þarf að borðplötur komist ekki í stöðuga snertingu við sterk kemísk efni eins og t.d. asétón (naglalakkseyði eða lakkeyði), terpentínu, klór, ofn/eldavélahreinsi og stíflueyði. Slík efni matta yfirborðið en athugið að hægt er að lagfæra skemmdirnar með því að fægja yfir og borðplatan verður eins og ný.

Gott að vita um borðplötur

  • Aldrei má skera á borðplötum, notið viðurkennd skurðarbretti
  • Akrílsteinninn er mjög hitaþolinn en betra er að setja heita potta, pönnur og tæki sem gefa frá sér stöðugan hita á hitahlíf
  • Gott er að setja FIXA-gufuvörn undir borðplötuna fyrir ofan uppþvottavél til að vernda plötuna fyrir raka.

Harðplast í borðplötur er vinsæll og hagkvæmur kostur fyrir borðplötuefni.

Harðplast í borðplötur

IMG_2412

Með vali á harðplasti fyrir efni í borðplötum ertu ekki aðeins að skapa skemmtilega stemningu, heldur einnig að tryggja þér vinnufrið.

Borðplötur úr harðplasti eru viðhaldsfríar, slitsterkar og endast lengi.

Borðplötur úr harðplasti eru afar vinsælar og hafa reynst vel í eldhúsum Íslendinga

Borðplötur úr harðplasti henta vel fyrir

  • Heimili
  • Almenningssvæði
  • Verslanir
  • Veitingahús
  • Hótel
  • O.s.frv.

no images were found

Kostir HPL-harðplasts í borðplötum eru margir, meðal annars

  • Slitsterkt
  • Hitaþolið
  • Dregur ekki í sig liti eða efni
  • Upplitast ekki
  • Rispur sjást síður á yrjóttri áferð en sléttri.


Lagerlitir frá Arpa

Athugið að litaprufur fyrir borðplötur ná aldrei að sýna nákvæmlega réttan lit og áferð. Þær eru því aðeins til viðmiðunar.

  • Við erum með mikið úrval borðplötulita á lager. Hægt er að fá ýmsar áferðir, svo sem háglans, matt og yrjótt.
  • Við erum með valda liti á lager hjá okkur en hægt er að panta fleiri liti og áferðir úr þessum bæklingi (pdf).

Kantar fyrir borðplötur

Fanntófell sérhæfir sig í framleiðslu á formbeygðum köntum fyrir borðplötur. Kostir þeirra eru að ávalar brúnir draga síður til sín raka og óhreinindi og eru jafnframt slitsterkari.

Við framleiðum borðplötur úr hágæða HPL-harðplasti

Yfirlag er HPL-harðplast (e. high pressure laminales) sem er límt á spónaplötu. Undirlagið er rakafólía sem hrindir frá sér raka. Harðplastið er slitsterkt og hefur mikið hitaþol (upp að 180°C). Við erum með mikið úrval lita á lager, einnig er hægt er að fá ýmsar áferðir, s.s. háglans, matt og yrjótt.

Við framleiðum einnig beina kanta fyrir borðplötur með harðplasti, stálkanti, álkanti, viðarkanti, ABS laser kanti og PVC-kanti.

no images were found

Laserkantar

Laser

Nú getum við einnig límt ABS-kanta á með laser hitaháþrýstitækni sem gerir það að verkum að ekkert lím er notað og sést því engin límfúga á borðplötum. Slík viðloðun er hitaþolin og gerir samskeytin algjörlega vatnsþolin.

Stærð

Við smíðum eftir máli. Mesta mögulega lengd án samskeyta er 420 sm. Mesta mögulega breidd án samskeyta er 120 sm.

Þrif og viðhald

Dagleg þrif fara best fram með svampi/klúti og vatni, ásamt því að nota uppþvottalög á fitu. Hægt er að nota sterkari sápu á erfiðari óhreinindi. Þvo má plötur með t.d. þynni ef með þarf til að ná burt erfiðari blettum. Athugið að þrífa vel af með vatni eða sápuvatni til að forðast að sterk efni komist í snertingu við matvæli. Við mælum með töfrasvampi frá Blindravinnustofunni á erfiða bletti.

Gott að vita

  • Aldrei má skera á plötunum, notið viðurkennd skurðarbretti.
  • Harðplastið er mjög hitaþolið en við mælum alltaf með að nota hitahlífar undir heita potta og pönnur.
  • Gott er að setja FIXA-gufuvörn undir borðplötuna fyrir ofan uppþvottavélina til að vernda plötuna fyrir raka.

FENIX NTM

Nýtt og einstakt yfirborðsefni sem opnar nýja vídd í hönnun á borðplötum

Með því að velja FENIX NTM (e. nanotech matt material) harðplast í borðplötur ertu ekki aðeins að skapa skemmtilega stemningu, heldur ertu einnig að tryggja þér vinnufrið.

FENIX er matt yfirborðsefni sem endurspeglar lítið ljós, hefur mjúka áferð við snertingu, borðplatan kámast ekki auðveldlega og smá rispur má auðveldlega laga með hita.

Fenix er mjög slitsterkt, matt efni sem endurspeglar lítið ljós

Hér er upplýsingabæklingur (pdf) frá framleiðanda.

Kostir Fenix eru meðal annars

  • Góð mótstaða við rispum og núningi
  • Bakteríudrepandi eiginleikar
  • Hreinlegt og auðvelt að þrífa
  • Þolir miklar hitabreytingar
  • Upplitast ekki
  • Framúrskarandi styrkur og litadýpt
  • Höggþolið
  • Góð mótstaða við ætandi hreinsiefnum
  • Vatnsfráhrindandi.

Fenix hentar víða, eins og til dæmis fyrir

  • Eldhús
  • Baðherbergi
  • Skrifstofur
  • Almenningssvæði
  • Almenna þjónustu
  • Veisluþjónustu
  • Hótel
  • Rannsóknarstofur
  • Heilbrigðisþjónustu.

Litir í boði fyrir FENIX NTM harðplast

Athugið að litaprufur fyrir borðplötur ná aldrei að sýna nákvæmlega réttan lit og áferð. Þær eru því aðeins til viðmiðunar.

no images were found

Stærð

Við smíðum borðplötur eftir máli. Mesta mögulega lengd án samskeyta er 420 sm. Mesta mögulega breidd borðplatna án samskeyta er 120 sm.

Þrif og viðhald

Dagleg þrif á borðplötum fara best fram með rökum trefjaklút eða þurrum töfrasvampi, ásamt því að nota hreinsilög á fitu. Hægt er að nota sterkari sápu á erfiðari óhreinindi. Þvo má borðplötur með t.d. þynni ef með þarf til að ná burt erfiðari blettum. Athugið að þrífa efni vel af borðplötum með vatni eða mildu sápuvatni til að forðast að sterk efni komist í snertingu við matvæli. Við mælum með þurrpússun með töfrasvampi á erfiða bletti eins og t.d. fitubletti.

Gott að vita

  • Aldrei má skera á plötunum, notið viðurkennd skurðarbretti.
  • Efnið er mjög hitaþolið en við mælum alltaf með að nota hitahlífar undir heita potta og pönnur.
  • Gott er að setja FIXA-gufuvörn undir borðplötuna fyrir ofan uppþvottavélina til að vernda plötuna fyrir raka.

Olíuborið límtré er góður kostur fyrir borðplötu vinnuborðs í eldhúsi. Límtréð gerir herbergið stílhreint, lifandi og hlýlegt.

Límtré í borðplötur

Fanntófell_límtré_eldhúsinnréttingLakkað límtré

Yfirborð á lökkuðu límtré er hart og mjög viðkvæmt fyrir rispum.

Næstum ómögulegt er að gera við skemmdir í lakki. Þegar platan er olíuborin er hins vegar mjög auðvelt að slípa plötuna og bera á hana olíu og platan verður aftur eins og ný.

Olíuborið límtré

Olíuborið límtré í borðplötur er góður kostur sem vinnuborð í eldhús. Olían verndar og er vatnsfráhrindandi og tryggir að límtréð þorni og svigni ekki. Tíð notkun olíu er nauðsynleg til að viðhalda endingu þess.

Við mælum með olíu á límtré

Tryggja þarf stöðugt viðhald á borðplötum til að viðhalda eiginleikum og glæsilegu útliti límtrésins. Viður er lifandi efni og því er mjög mikilvægt að bera olíu reglulega á borðplöturnar. Olían ver borðplötuna fyrir vatni og öðrum vökva. Þorni viðurinn getur það haft áhrif á eiginleika viðarins og þá er hætta á því að sprungur myndist í borðplötunni og vökvi kemst auðveldlega inn í viðinn.

Harðviður í boði

Athugið að litaprufur fyrir borðplötur ná aldrei að sýna nákvæmlega réttan lit og áferð. Þær eru því aðeins til viðmiðunar.

no images were found

Stærð

Við smíðum borðplötur eftir máli. Mesta mögulega lengd á borðplötu án samskeyta er 450 sm.

Dagleg umhirða

Fyrir dagleg þrif á borðplötum skal nota vatnsblandaða, milda náttúrusápu með rökum klúti. Ekki nota sterka sápu og hreinsiefni ef þau innihalda fituleysanleg efni sem geta leyst upp olíuna sem borðplatan er meðhöndluð með.

Gott að vita

  • Aldrei má skera á borðplötunum sjálfum, notið viðurkennd skurðarbretti.
  • Viðurinn er viðkvæmt lifandi efni og því mælum alltaf með að nota hitahlífar undir heita potta og pönnur.
  • Gott er að setja FIXA-gufuvörn undir borðplötuna fyrir ofan uppþvottavélina til að vernda hana fyrir raka.

Leiðbeiningar vegna olíumeðferðar á gegnheilum harðviðarplötum

Límtréð er olíuborið við afhendingu en við mælum með að borin sé ein umferð yfir borðplötuna eftir að búið er að setja hana upp. Síðan er gott að bera reglulega á borðplöturnar,  2-3 sinnum á ári eða eftir þörfum. Aldrei er borið of oft á borðplötur til verndar.

Vinsamlegast hafið í huga

  • Þegar olía er borin á borðplötuna verður hún að vera alveg hrein og þurr
  • Berið olíuna á með klúti, svampi eða pensli
  • Látið olíuna standa á borðplötunni í um bil 20 mínútur. Þurrkið þá alla umframolíu af með hreinum klúti. Athugið sérstaklega vel að fjarlægja alla umfram olíu úr samskeytum
  • Þurrkið yfir með þurrum bómullarklúti. Það lokar yfirborðinu betur og gefur glans
  • Olíumeðferð er endurtekin eins oft og þurfa þykir.

ATHUGIÐ!  Þurrkur og klútar, sem mettaðir eru með olíu, þarf strax að farga í innsigluðum ílátum eða brenna þá vegna hættu á sjálfíkveikju. Athugið að fylgja leiðbeiningum framleiðanda.

Hafðu samband í síma 587 6688

eða sendu okkur tölvupóst á netfangið fanntofell@fanntofell.is