Hægt er að fá hillur í ýmsum breiddum og þykktum. Þykkt á hillum (hilluplötum) er frá 17 mm. Hillur henta vel, hvort sem er fyrir heimili, verslanir, veitingahús eða önnur húsakynni enda fást hillur í öllum stærðum og gerðum.
Við hjá Fanntófell framleiðum hillur úr hágæða harðplasti, HPL. Efnið sem við notum í hillur er harðplast HPL (e. high pressure laminates). Yfirlagið er harðplast sem er límt á spónaplötu sem gerir allar hillur okkar bæði níðsterkar og endingargóðar.
Harðplastið sem við notum í þessar hillur er slitsterkt og með mikið hitaþol. Við erum með á lager mikið úrval lita fyrir hillur sem hægt er að fá í ýmsum áferðum, s.s. háglans, matt og yrjótt.
Við dagleg þrif á borðplötum er best að nota trefjaklút og vatn en nota skal uppþvottalög á fitu. Hægt er að nota sterkari sápu á erfiðari óhreinindi. Óhætt er að nota þynni þar sem með þarf til að ná burt erfiðari blettum.
Með ABS- laser köntum notum við nýja hitaháþrýstitækni á hillur sem gerir það að verkum að ekkert lím er notað og sést því engin límfúga á hillunum. Slík viðloðun er hitaþolin og gerir samskeytin algjörlega vatnsþolin.
Tryggja þarf stöðugt viðhald til að viðhalda eiginleikum og glæsilegu útliti límtrésins í hillum. Viður er lifandi efni og því er mjög mikilvægt að bera olíu reglulega á hillurnar. Olía ver hilluna fyrir vatni og öðrum vökva. Þorni viðurinn getur það haft áhrif á eiginleika viðarins og þá er hætta á því að sprungur myndist í hilluna og vökvi komist auðveldlega inn í viðinn.
Olíuborið límtré er góður kostur fyrir hillur. Olían verndar og er vatnsfráhrindandi og tryggir að límtréð þorni og svigni ekki. Tíð notkun olíu er nauðsynleg til að viðhalda endingu límtrés í hillum.
Lakkað límtré er viðhaldsfrítt en er mjög viðkvæmt fyrir rispum.
