Með Getacore og Hi-macs verður hugmyndin að veruleika

Við vinnum nákvæmlega eftir óskum hönnuða og/eða kröfum viðskiptavina við smíði á  borðplötum. Akrýlsteinn endist vel og býr yfir endalausum möguleikum í hönnun á borðplötum.

Vaskar eru fáanlegir í sama efni og af mörgum gerðum. Þeir eru undirlímdir og mynda því eina heild með borðplötunni. Við vinnslu á borðplötum notum við getacore-steinefni og þannig eru samskeyti nánast ósýnileg á borðplötunum.

Gefðu ímyndunaraflinu lausan tauminn með nútíma steinefni frá Getacore og Hi-macs.

Akrýlstein er að sjálfsögðu hægt að sameina með öðru efni eins og tré, náttúrusteini og gleri. Hér finnur þú rétta lausn sem hentar hverju umhverfi.

Akrýlsteinn er gegnheill. Hann er framleiddur úr náttúrulegu steinefni og akrýltrjákvoðu, auk litarefna.

Harðplast er góður kostur

Með vali á harðplasti fyrir efni í borðplötum ertu ekki aðeins að skapa skemmtilega stemningu, heldur einnig að tryggja þér vinnufrið.
Borðplötur úr harðplasti eru viðhaldsfríar, slitsterkar og endast lengi.

Yfirlag er HPL-harðplast (e. high pressure laminates) sem er límt á spónaplötu. Undirlagið er rakafólía sem hrindir frá sér raka. Harðplastið er slitsterkt og hefur mikið hitaþol (upp að 180°C). Við erum með mikið úrval lita á lager, einnig er hægt er að fá ýmsar áferðir, s.s. háglans, matt og yrjótt.

Val á kant á harðplast borðplötum

• ABS laser kantar
• Rúnaðir kantar ( formbeygt)
• Viðarkantur
• Bein álímdur kantur

ABS laser kantar

Með ABS- laser kant notum við hitaháþrýstitækni, ekkert lím er notað sem gerir það að verkum að engin límfúa er sýnileg á borðplötum, kant er hægt að fá í sambærilegum lit, viðarlit eða állitað. Þessi viðloðun á kant er slitsterk, hitaþolin og mjög vatnsþolin

Rúnaðir kantar

Slitsterkir formbeygðir kantar. Með rúnuðum kant er framkantur á plötum ávalur, kostir slíkra kanta er að engin samskeyti eru á brún sem draga síður til sín raka og óhreinindi.

Viðarkantar

Viðarkanta er hægt að fá í 1,5-8mm þykkum lökkuðum við, t.d. eik eða beiki.

Beinir álímdir kantar

Með beinum álímdum kant er sama plast og á yfirborði plötu límdur á kanta, með því verður límfúa sýnileg á brúnum.

Þrif og viðhald á harðplast plötum

Rakur trefjaklútur eða rakur svampur er best við dagleg þrif, forðist óhóflega notkun á feitu hreinsiefni eins og uppþvottalegi. Ef sápu eða fituleifar sitja eftir á plötunni er auðvelt að ná þeim af með mildu spreyi sem ætlað er á eldhúsbekkplötur. Forðist að nota ætandi hreinsiefni, hreinsiduft með kornum eða stálull á plötur þau geta mattað og rispað yfirborð.

Hægt er að þrífa erfiðustu blettina af með t.d. þynni en gætið vel að því að hann sitji ekki lengi á plötunni, þrífið vel af allar leifar með vatni svo efnið komist ekki í snertingu við matvæli eða matti yfirborð.

Einstakt yfirborðsefni

FENIX NTM opnar nýja vídd í hönnun á borðplötum

Nýtt og einstakt yfirborðsefni sem endurspeglar lítið ljós, hefur mjúka áferð við snertingu, borðplatan kámast ekki auðveldlega og smá rispur má auðveldlega laga með hita.

NÝTT – FENIX vaskar í ýmsum litum

FENIX eldhúsvaska eru úr sama einstaka yfirborðefninu og notað er á borðplötur o.fl. Fáanlegir í ýmsum litum. Auðvelt að þrífa.

FENIX eldhúsvaskarnir eru undirlímdir í FENIX borðplötum og úr verður stílhrein heild sem sameinar notagildi og fagurfræði. Vaskarnir fást í ýmsum litum og eru framleiddir úr möttu efni í stíl við FENIX útlitið. Vaskarnir þola létt högg og hitabreytingar auk þess að vera blettaþolnir og hafa viðnám gegn rispum og álagi. Sérstök efnasamsetning kemur í veg fyrir að vaskarnir upplitist með tímanum.

Efnasambandið í FENIX vöskunum hindrar vöxt örvera og stuðlar að niðurbroti baktería og eykur þannig hreinlæti. Bakteríudrepandi vernd má þakka silfurjónum sem mynda sýkladrepandi eiginleika vaskanna.

Besta leiðin til að þrífa FENIX vaska er að nota mjúkan klút eða svamp með mildu hreinsiefni. Yfirborð vasksins er svo skolað með volgu vatni og þurrkað með mjúkum klút.

Olíuborið límtré er góður kostur í eldhúsið

Límtréð gerir herbergið stílhreint, lifandi og hlýlegt. Olíuborið límtré í borðplötur er góður kostur sem vinnuborð í eldhús. Olían verndar og er vatnsfráhrindandi og tryggir að límtréð þorni og svigni ekki. Tíð notkun olíu er nauðsynleg til að viðhalda endingu þess.

Við mælum með olíu á límtré

Tryggja þarf stöðugt viðhald á borðplötum til að viðhalda eiginleikum og glæsilegu útliti límtrésins. Viður er lifandi efni og því er mjög mikilvægt að bera olíu reglulega á borðplöturnar. Olían ver borðplötuna fyrir vatni og öðrum vökva. Þorni viðurinn getur það haft áhrif á eiginleika viðarins og þá er hætta á því að sprungur myndist í borðplötunni og vökvi kemst auðveldlega inn í viðinn.

Lakkað límtré

Yfirborð á lökkuðu límtré er hart og mjög viðkvæmt fyrir rispum.
Næstum ómögulegt er að gera við skemmdir í lakki. Þegar platan er olíuborin er hins vegar mjög auðvelt að slípa plötuna og bera á hana olíu og platan verður aftur eins og ný.

Dagleg umhirða

Við dagleg þrif á borðplötum er best að nota trefjaklút og vatn. Erfiða bletti á borðplötum má meðhöndla með því að láta blöndu af hreinsiefni og vatni liggja á blettinum í smá tíma og hreinsa hana síðan af með svampi og hreinu vatni. Erfiða bletti, sem hafa legið lengi á borðplötu, eins og t.d. eftir djús, te, kaffi og rauðvín, má þrífa af með töfrasvampi eða tannkremi.

Kísill

Kísill er þrifinn af borðplötum með ediki eða sítrónusýru og síðan hreinsaður af með svampi og hreinu vatni

Tryggja þarf að borðplötur komist ekki í stöðuga snertingu við sterk kemísk efni eins og t.d. acetone (naglalakkseyði eða lakkeyði), terpentínu, klór, ofn/eldavélahreinsi og stíflueyði. Slík efni matta yfirborðið. Við mælum með hreinsipakkanum.